Sunday, July 13, 2014

இருதய நோய்

இருதய நோய்

முருகு சோதிட ஆராய்ச்சி மையத்தின் 
சாா்பில் நடைபெறவுள்ள 

சனி பெயா்ச்சி யாகம்



ஆஸ்பத்திரிகளும் மருந்துக் கடைகளும் பெருகி வருகின்றன. புதுப்புது நோய்கள் கண்டு பிடிக்கப்பட்டு அவை மனித குலத்தை அச்சுறுத்தி வருகின்றன. இன்றைய உலகில் ஆரோக்கியம் என்பது மிகவும் முக்கியமானதாகும். பல்வேறு நோய்கள் இருந்தாலும் இருதயக் கோளாறு என்பது மிகவும் பிரதானமான தாகும். இருதய கோளாறு உண்டானவர்கள் உயிர் வாழ்வதே மிகவும் கஷ்டமான ஒன்றாகும். ஜோதிட ரீதியாக இருதயக் கோளாறு யாருக்கு உண்டாகிறது என்பதனை தெளிவாக பார்ப்போம்.

குறிப்பாக உஷ்ண கிரகமான சூரியன் இருதயக் கோளாறுக்கு முக்கியப் பங்கு வகிக்கின்றார். ஜென்ம லக்னத்திற்கும் 4ம் பாவமும், 4ம் அதிபதியும், 4ல் உள்ள கிரகமும் முக்கிய பங்கு வகிக்கிறது. 4ம் அதிபதியும் 4ம் பாவமும் பாவ கிரகங்களால் பாதிக்கப்பட்டிருந்தால் இருதயக் கோளாறு ஏற்படுவதற்கான சாத்தியக் கூறுகள் உண்டாகிறது.

நவகிரகங்களில் சூரிய பகவான் இருதய தசைக்கும் அதில்  உள்ள ரத்த  குழாய்களுக்கும் காரகம் வகிக்கின்றார். சூரியனை விட சந்திர பகவான் ரத்த குழாய் மற்றும் அதன் செயல்பாடுகளுக்கும் காரகத்துவம் வகிக்கிறார். ரத்தகாரகன் செவ்வாயும் இருதய கோளாறுக்கு முக்கிய பங்கு வகிக்கிறார்.

இராசிகளில் சூரியனின் வீடான சிம்மத்திற்கும் சந்திரனின் வீடான கடகத்திற்கும் இருதய கோளாறுகளுக்கும் சம்பந்தம் உள்ளது. குறிப்பாக சூரியன்,சந்திரன்,செவ்வாய்,4ம் வீடு,கடகம்,சிம்மம் ஆகியவை பாவ கிரகங்களால் பாதிப்பட்டு இருந்தால் இருதயக் கோளாறு உண்டாகிறது. அது போல மேற்கூறிய கிரகங்கள் 6ம் வீட்டிலோ 6ம் அதிபதியுடனோ சேர்ந்து பாவகிரகங்களால் பாதிக்கப்பட்டு இருந்தால் இருதயக் கோளாறுகள் உண்டாகும்.

ஜென்ம லக்னத்திற்கு 4,5&ம் பாவங்களில் பாவ கிரகங்கள் அமையப் பெற்று 4,5&க்கு அதிபதிகள் பாவ கிரகங்களால்  பாதிக்கப்பட்டு சுப கிரக சம்மந்தமின்றி இருந்தாலும். குறிப்பாக 4ம் வீட்டில் சூரியன் நீசம் பெற்றோ, பகை பெற்றோ, அமைந்து பாவகிரகங்களின் ஆதிக்கம் வலுவாக இருந்தாலும் இருதயக் கோளாறு உண்டாகும்.
சூரியன், செவ்வாயிக்கு பரிகாரம் செய்வது மூலம் இருதய பாதிப்புகள் குறையும்.

Post a Comment

Intha Naal