புத்தாண்டு பலன் - 2022 - தனுசு

 

புத்தாண்டு பலன் - 2022 - தனுசு  மூலம், பூராடம், உத்திராடம் 1-ஆம் பாதம்

அன்புள்ள தனுசு ராசி நேயர்களே சுயநலம் பாராமல் எதையும் துணிந்து செய்பவராகவும் கள்ளம் கபடமின்றி உண்மையாக பழகுபவராகவும் விளங்கும் உங்களுக்கு என் இனிய புத்தாண்டு வாழ்த்துக்கள். வரும் 2022-ஆம் ஆண்டு உங்கள் ராசியாதிபதி குரு 13-04-2022 வரை முயற்சி ஸ்தானமான 3-ல் சஞ்சரிப்பதாலும் அதன் பின்பு சுக ஸ்தானமான 4-ல் குரு சஞ்சரிக்க இருப்பதாலும் நீங்கள் எதிர் நீச்சல் போட்டால் மட்டுமே அடைய வேண்டிய நற்பலன்களை அடைய முடியும். உங்கள் ராசிக்கு சர்ப்ப கிரகமான ராகு 6-ல் 12-04-2022 வரையும், அதன் பின்பு கேது 11-ல் சஞ்சரிப்பது சாதகமான அமைப்பு என்பதால் எதையும் எதிர் கொள்ளும் திறன் எதிர்பாராத உதவிகள் கிடைத்தது அதன் மூலம் ஏற்றங்களை அடையும் வாய்ப்பு உண்டாகும். பண வரவுகள் சற்ற சாதகமாக இருக்கும் என்றாலும் ஆடம்பர செலவுகளை குறைப்பது, அதிக முதலீடு கொண்ட செயல்களை தவிர்ப்பது நல்லது. சுப காரிய முயற்சிகளில் சில இடையூறுகள் ஏற்பட்டாலும் சிறு தடைக்கு பின்பு திருமண சுப காரியங்கள் கை கூடி மகிழ்ச்சி அளிக்கும். கணவன்- மனைவியிடையே இருந்த கடந்த கால கருத்து வேறுப்பாடுகள் மறைந்து அன்யோன்யம் அதிகரிக்கும். ஆன்மீக தெய்வீக காரியங்களில் ஈடுபடும் வாய்ப்பு, தெய்வ தரிசனங்களுக்காக பயணங்கள் மேற்கொள்ளும் வாய்ப்பு உண்டாகும்.

தொழில் வியாபாரம் செய்பவர்களுக்கு ஆண்டின் தொடக்கத்தில் மந்தநிலை நிலவினாலும் ஏப்ரல் மாதத்திற்கு பிறகு சிறப்பான முன்னேற்றங்களை பெறுவீர்கள். கூட்டாளிகளையும் தொழிலாளர்களையும் அனுசரித்து நடந்து கொண்டால் அபிவிருத்தியை பெருக்கி கொள்ள முடியும். கொடுக்கல்- வாங்கலில் பெரிய தொகைகளை ஈடுபடுத்தும் போது சிந்தித்து செயல்படுவது நல்லது. பெரிய மனிதர்களின் நட்பு மகிழ்ச்சி அளிப்பதாக அமையும். உத்தியோகஸ்தர்களுக்கு வேலைபளு இருந்தாலும் அதிகாரிகள் ஆதரவாக இருப்பதால் மன நிம்மதியுடன் பணியாற்ற முடியும். எதிர்பார்க்கும் பதவி உயர்வுகள் சிறு தடைக்குப் பின் கிடைக்கும்.

ஒரு ராசியில் நீண்ட நாட்கள் தங்கும் கிரகமான சனி இவ்வாண்டு உங்கள் ராசிக்கு 2-ல் சஞ்சரிப்பதால் உங்களுக்கு ஏழரைசனியில் பாதசனி நடைபெறுவதால் எந்தவொரு விஷயத்திலும் ஒரு முறைக்கு பல முறை சிந்தித்து செயல்படுவது நல்லது. உடல் ஆரோக்கியத்தில் அதிக கவனம் செலுத்த வேண்டியிருக்கும். வயிறு சம்மந்தப்பட்ட பாதிப்புகள் ஏற்படலாம் என்பதால் உணவு விஷயத்தில் கட்டுப்பாடுடன் இருப்பது நல்லது. தேவையற்ற வகையில் பொருளாதார நெருக்கடிகள் ஏற்பட்டு சிலருக்கு கடன்கள் ஏற்படலாம். எதிலும் சிந்தித்து செயல்படுவது ஆடம்பர செலவுகளை குறைத்து கொண்டு சிக்கனமாக இருப்பது நல்லது.

திருக்கணிதப்படி உங்கள் ராசிக்கு 2-ல் சஞ்சரிக்கும் சனி பகவான் அதிசாரமாக வரும் 29-04-2022 முதல் 12-07-2022 வரை முயற்சி ஸ்தானமான 3-ஆம் வீட்டில் சஞ்சாரம் செய்ய இருப்பதால் உங்கள் வாழ்வில் மிக பெரிய முன்னேற்றம் ஏற்படும். ஏழரைச்சனியின் தக்க முற்றிலும் குறைந்து ஏற்றமிகுந்த பலன்களை அடையும் யோகம் உண்டாகும்.

 

தேக ஆரோக்கியம்

உடல் ஆரோக்கியத்தில் சிறுசிறு பாதிப்புகள் ஏற்பட்டாலும் சிறிதளவு மருத்துவ செலவுகளுக்குப் பின் அன்றாடப் பணிகளில் சுறுசுறுப்புடன் செயல்படக் கூடிய ஆற்றல் உண்டாகும். உணவு விஷயத்தில் சற்று கட்டுபாடுடன் இருப்பது நல்லது. குடும்பத்தில் உள்ளவர்களால் இருந்த மருத்துவ செலவுகள் ஓரளவு மறையும். அனைவரும் உங்களிடம் அன்பாக நடத்தும் கொள்வதால் மனநிறைவும் மகிழ்ச்சியும் ஏற்படும்.

குடும்ப பொருளாதார நிலை

திருமண வயதை அடைந்தவர்களுக்கு சிறுசிறு இடையூறுகள் உடன் நல்ல வரன்கள் தேடி வரும். கணவன்- மனைவியிடையே விட்டு கொடுத்து சென்றால் ஒற்றுமையும், அன்யோன்யமும் சிறப்பாக இருக்கும். சிலருக்கு புத்திர பாக்கியம் உண்டாகும். உற்றார் உறவினர்களின் ஆதரவுகள் உங்களுக்கு மகிழ்ச்சியை உண்டாக்கும். நீண்ட நாட்களாக எதிர்பார்த்து காத்திருந்த சுப செய்தி விலைவில் வரும். வெளிவட்டாரத் தொடர்புகள் விரிவடையும்.

கொடுக்கல்- வாங்கல்

ஆண்டின் தொடக்கத்தில் பண வரவுகள் ஏற்ற இறக்கமாக இருந்தாலும் ஏப்ரலுக்கு பிறகு ஒரு சில அனுகூலங்கள் ஏற்படும். கொடுக்கல்- வாங்கலில் பெரிய முதலீடுகளை ஈடுபடுத்தும் விஷயத்தில் மிகவும் கவனத்துடன் செயல்பட்டால் தான் பேட்ட முதலீட்டை எடுக்க முடியும். சிலருக்குள்ள கடன் பிரச்சினைகள் படிபடியாக குறையும். இதுவரை இருந்து வந்த வம்பு வழக்குகளில் தீர்ப்பு உங்களுக்கு சாதகமாக அமையும். எதிரிகளும் நண்பர்களாக மாறுவார்கள்.

தொழில் வியாபாரிகளுக்கு

ஆண்டின் தொடக்கத்தில் சற்று மந்தநிலை நிலவவுனாலும் ஏப்ரலுக்கு பிறகு நல்ல வாய்ப்புகள் கிடைக்கப் பெற்று புதிய ஒப்பந்தங்களில் கையெழுத்திடுவீர்கள். மறைமுக எதிர்ப்புகள் மறையும். தொழில் ரீதியாக மேற்கொள்ளும் பயணங்களால் அனுகூலம் ஏற்படும். வெளியூர் வெளிநாட்டுத் தொடர்புடைய வாய்ப்புகள் கிடைக்கும். கூட்டாளிகள் மற்றும் தொழிலாளர்களின் ஒத்துழைப்புகளால் அபிவிருத்தியை பெருக்க முடியும். புதிய கிளைகளை நிறுவி மேன்மையினை அடைவீர்கள்.

உத்தியோகஸ்தர்களுக்கு

பணியில் எதிர்பார்த்துக் காத்திருந்த பதவி உயர்வுகளும், ஊதிய உயர்வுகளும் சிறு தடைக்கு பின்பு கிடைக்கும். சிலர் எதிர்பார்த்த இடமாற்றத்தைப் பெற்று குடும்பத்தோடு சேருவார்கள். வெளியூர் சென்று பணிபுரிய கூடிய வாய்ப்புகள் உண்டாகும். புதிய வேலை தேடுபவர்களுக்கும் தகுதிக்கு ஏற்ற வேலை வாய்ப்பு கிடைக்கும் என்றாலும் வேலைபளு அதிகமாக இருக்கும். உடன் பணிபுரிபவர்களை அனுசரித்து செல்வது நல்லது.

அரசியல்வாதிகளுக்கு

பெயர், புகழ் உயரக் கூடிய வாய்ப்புகள் இருக்கும் என்றாலும் பண விஷயத்தில் மிகவும் கவனமாக செயல்பட்டால் தான் எதையும் சமாளிக்க முடியும். மக்களுக்கு கொடுத்த வாக்குறுதிகளை காப்பாற்றி அவர்களின் ஆதரவைப் பெறுவீர்கள். உங்களின் பேச்சிற்கு மதிப்பும் மரியாதையும் இருக்கும். கட்சிப் பணிகளுக்காக சிறுசிறு வீண் செலவுகளை செய்ய வேண்டி இருந்தாலும் பொருளாதார ரீதியாக எதிர்பார்க்கும் உதவிகள் கிடைக்கும். மேடை பேச்சுக்களில் சற்று கவனமுடன் செயல்படுவது நல்லது.

விவசாயிகளுக்கு

பயிர் விளைச்சல் மிகவும் சிறப்பாக இருக்கும். போட்ட முதலீட்டிற்கு மேல் லாபத்தினைப் பெற்று விடுவீர்கள். நவீன முறைகளை பயன்படுத்தி விளைச்சலைப் பெருக்குவீர்கள். வேலையாட்கள் தக்க நேரத்திற்கு கிடைப்பார்கள். குடும்பத்தில் சுப காரியங்கள் கை கூடும். சொந்த பூமி மனை வாங்கும் முயற்சிகள் வெற்றி பெறும். பொருளாதார நிலை சற்று சாதகமாக இருக்கும். அரசு வழியில் ஆதாயங்கள் கிட்டும்.

பெண்களுக்கு

உடல் நிலையில் சிறுசிறு பாதிப்புகள் தோன்றி மறையும் என்றாலும் அன்றாடப் பணிகளில் சுறுசுறுப்பாக செயல்பட முடியும். திருமண சுபகாரியங்கள் சிறு தடைக்கு பின்பு கை கூடும். கணவன்- மனைவியிடையே ஒற்றுமை சிறப்பாக இருக்கும். ஆடை ஆபரணம், குடும்பத்திற்கு தேவையான அதி நவீனப் பொருட்கள் வாங்குவீர்கள். உற்றார் உறவினர்களின் வருகை மகிழ்ச்சியினை உண்டாக்கும். சிலருக்கு புத்திர பாக்கியம் கிட்டும்.

படிப்பு

மாணவ- மாணவிகளுக்கு கல்வியில் சற்று மந்தநிலை நிலவினாலும் திறம்பட சிறப்புடன் செயல்பட்டு பள்ளி கல்லூரிகளுக்கு பெருமை சேர்ப்பீர்கள். சிலருக்கு உயர் கல்விக்காக வெளியூர் செல்லக் கூடிய வாய்ப்பு உண்டாகும். பெற்றோர் மற்றும் ஆசிரியர்களின் ஆதரவுகள் சிறப்பாக இருக்கும்.

 

மாதப் பலன்கள்

ஜனவரி.

இம்மாத முற்பாதியில் ஜென்ம ராசியில் சூரியன், 12-ல் செவ்வாய் சஞ்சரிப்பதால் தேவையற்ற அலைச்சல் நெருங்கியவர்களால் நிம்மதி குறையும். வீண் செலவுகள் அதிகரிக்கும். உடல் ஆரோக்கியத்தில் உண்டாக கூடிய பாதிப்புகளால் மருத்துவ செலவுகள் அதிகரிக்கும். தொழில் வியாபாரம் செய்பவர்களுக்கு மறைமுக எதிர்ப்புகளால் வர வேண்டிய வாய்ப்புகளில் தாமதம் அடையும். கணவன்- மனைவியிடையே ஏற்பட கூடிய வாக்கு வாதங்களால் குடும்பத்தில் ஒற்றுமை குறையும். பணவரவுகள் ஏற்ற இறக்கமாக இருக்கும் என்பதால் கொடுக்கல்- வாங்கல் போன்றவற்றில் பெரிய தொகைகளை ஈடுபடுத்தும் போது கவனம் தேவை. உத்தியோகஸ்தர்கள் எதிர்பார்த்த பதவி உயர்வுகளை பெற சற்று தாமத நிலை உண்டாகும். அதிகாரிகளிடம் பேசும் போது நிதானமாக இருந்தால் வேலைபளுவை குறைத்து கொள்ள முடியும். சனி ப்ரீதியாக ஆஞ்சநேயரை வழிபடுவது சிறப்பு.

சந்திராஷ்டமம் - 17-01-2022 இரவு 10.02 மணி முதல் 20-01-2022 காலை 08.24 மணி வரை.

பிப்ரவரி.

ஜென்ம ராசியில் சுக்கிரன், 6-ல் ராகு, மாத பிற்பாதியில் 3-ல் சூரியன் சஞ்சரிப்பதால் பல்வேறு வளமான பலன்களை பெறுவீர்கள். பண வரவில் உள்ள நெருக்கடிகள் விலகி நிம்மதி அடைய முடியும். குடும்பத் தேவைகள் அனைத்தும் பூர்த்தியாவதுடன் கடன்களும் நிவர்த்தியாகும். குரு பார்வை 7-ஆம் வீட்டிற்கு இருப்பதால் திருமண சுபகாரிய முயற்சிகள் கைகூடி மகிழ்ச்சி அளிக்கும். கணவன்- மனைவி இடையே ஒற்றுமை நிலவும். உற்றார் உறவினர்களின் வருகை மகிழ்ச்சியினை அளிக்கும். பூர்வீக சொத்து விஷயங்களில் இருந்த பிரச்சினைகள் ஓரளவுக்கு நிவர்த்தியாகும். உத்தியோகஸ்தர்கள் பணியில் நிம்மதியுடன் செயல்பட முடியும். புதிய வேலை தேடுபவர்களுக்கு தகுதிக்கேற்ற வேலை அமையும். தொழில் வியாபாரம் செய்பவர்களுக்கு நல்ல வாய்ப்புகள் கிடைக்கும். தினமும் விநாயகரை வழிபடுவது நல்லது.

சந்திராஷ்டமம் - 14-02-2022 அதிகாலை 05.19 மணி முதல் 16-02-2022 பகல் 03.14 மணி வரை.

மார்ச்.

உங்கள் ராசிக்கு 2-ல் சுக்கிரன், 6-ல் ராகு, மாத முற்பாதியில் 3-ல் சூரியன் சஞ்சரிப்பதால் எடுக்கும் முயற்சியில் அனுகூலமான பலன்கள் ஏற்படும். நல்ல வாய்ப்புகள் உங்களை தேடி வரும். மறைமுக எதிர்ப்புகள் மறைந்து எடுக்கும் முயற்சிகளில் வெற்றியினைப் பெற்று விடுவீர்கள். பணவரவுகள் தேவைக்கு ஏற்றபடி இருக்கும். உடல் ஆரோக்கியம் சிறப்பாக இருக்கும். கணவன்- மனைவி இடையே ஒற்றுமை அதிகரிக்கும். உற்றார் உறவினர்களின் ஆதரவும் மகிழ்ச்சி அளிக்கும். கொடுக்கல்- வாங்கலில் சரளமான நிலை இருக்கும். பெரிய தொகைகளை ஈடுபடுத்தி லாபம் காண முடியும். உத்தியோகத்தில் எதிர்பார்க்கும் இடமாற்றம் கிடைக்கும். வெளியூர், வெளிநாடுகளுக்கு சென்று பணிபுரிய விரும்புவோரின் விருப்பங்களும் நிறைவேறும். தொழில், வியாபாரம் செய்பவர்களுக்கு இருந்த பொருட் தேக்கங்கள் விலகி  முன்னேற்றம் ஏற்படும். முருக வழிபாடு செய்வது நல்லது.

சந்திராஷ்டமம் - 13-03-2022 பகல் 01.30 மணி முதல் 15-03-2022 இரவு 11.33 மணி வரை.

ஏப்ரல்.

உங்கள் ராசிக்கு வரும் 7-ஆம் தேதி முதல் 3-ல் செவ்வாய் சஞ்சரிப்பதால் எதிலும் தைரியத்துடன் செயல்படுவீர்கள். மாத முற்பாதியில் சூரியன் 4-ல் சஞ்சரிப்பதால் இருப்பதை அனுபவிக்க இடையூறுகள் ஏற்படும். சனி 2-ல் சஞ்சரிப்பதால் பேச்சில் நிதானத்தைக் கடைப்பிடிப்பது, முன்கோபத்தைக் குறைத்துக் கொள்வது நல்லது. பணவரவுகளில் ஏற்ற இறக்கமான நிலை இருக்கும். கணவன்- மனைவியிடையே சிறுசிறு கருத்து வேறுபாடுகள் ஏற்பட்டாலும் ஒற்றுமை குறையாது. உற்றார் உறவினர்களை அனுசரித்து செல்வது நல்லது. பணம் கொடுக்கல்- வாங்கலில் பெரிய தொகைகளை பிறருக்கு கடனாக கொடுப்பதை தவிர்க்கவும். தொழில், வியாபார ரீதியாக எடுக்கும் புதிய முயற்சிகளில் சிந்தித்து செயல்படுவது நல்லது. உத்தியோகஸ்தர்களுக்கு பணியில் சிறுசிறு நெருக்கடிகள் தோன்ற கூடும். தட்சிணா மூர்த்தியை வழிபடுவது நல்லது.

சந்திராஷ்டமம் - 09-04-2022 இரவு 09.51 மணி முதல் 12-04-2022 காலை 08.34 மணி வரை.

மே.

உங்கள் ராசிக்கு 3-ல் சனி அதிசாரமாக சஞ்சரிப்பதாலும், 11-ல் கேது, மாத பிற்பாதியில் 6-ல் சூரியன் சஞ்சரிப்பதாலும் உங்கள் வாழ்வில் மிகப் பெரிய முன்னேற்றம் ஏற்படும். சுப காரியங்களுக்கான முயற்சிகளில் அனுகூலம் உண்டாகும்.  தாராள தனவரவுகளால் குடும்பத் தேவைகள் பூர்த்தியாகும். உற்றார் உறவினர்களின் ஆதரவுகள் ஓரளவுக்கு மகிழ்ச்சியளிக்கும். தொழில் வியாபாரத்தில் நல்ல லாபம் கிடைக்கும். கொடுக்கல்- வாங்கலில் சிந்தித்து செயல்படுவது நல்லது. பணிபுரிபவர்களுக்கு பணியில் எதிர்பார்க்கும் உயர்வுகள் கிடைக்கும். புதிய வேலை தேடுபவர்களுக்கும் தகுதிக்கேற்ற வேலை வாய்ப்பு கிட்டும். வெளியூர் வெளிநாடுகளுக்குச் சென்று பணிபுரிய விரும்புவர்களின் விருப்பமும் நிறைவேற கூடிய சந்தர்ப்பங்கள் அமையும். எதிர்பார்த்த இடமாற்றங்களும் கிடைக்கப் பெற்று மனநிம்மதி உண்டாகும்.  துர்க்கையம்மனை வழிபாடு செய்வது நல்லது.

சந்திராஷ்டமம் - 07-05-2022 அதிகாலை 05.34 மணி முதல் 09-05-2022 மாலை 05.07 மணி வரை.

ஜுன்.

உங்கள் ராசிக்கு 3-ல் சனி, மாத முற்பாதியில் 5-ல் சுக்கிரன், 6-ல் சூரியன் சஞ்சரிப்பதால் சகல விதத்திலும் ஏற்றமிகுந்த பலன்கள் ஏற்படும். நீங்கள் நினைத்ததெல்லாம் நடக்கும். எடுக்கும் முயற்சிகளில் வெற்றி கிட்டும். கணவன்- மனைவி இடையே ஒற்றுமை சிறப்பாக இருக்கும். மங்களகரமான சுபகாரியங்கள் எளிதில் கைகூடி குடும்பத்தில் மகிழ்ச்சி ஏற்படும். புத்திர வழியில் மகிழ்ச்சி தரக் கூடிய நிகழ்ச்சிகள் நடைபெறும். அசையும், அசையா சொத்துக்கள் வாங்கும் யோகம் உண்டாகும். பணம் கொடுக்கல்- வாங்கல் போன்றவற்றில் சரளமான நிலையிருக்கும். உடல் நிலையில் இருந்த பாதிப்புகள் நீங்கி ஆரோக்கியம் சிறப்பாக இருக்கும். தொழில் வியாபாரம் நல்ல முறையில் நடைபெற்று லாபத்தை அள்ளி தரும். உத்தியோகஸ்தர்களுக்கு பணியில் நிம்மதியான நிலையிருக்கும். பயணங்களால் அனுகூலப்பலன் கிட்டும். விஷ்ணுவை வழிபடுவது உத்தமம்.

சந்திராஷ்டமம் - 03-06-2022 பகல் 12.20 மணி முதல் 05-06-2022 இரவு 12.24 மணி வரை மற்றும் 30-06-2022 மாலை 06.23 மணி முதல் 03-07-2022 காலை 06.30 மணி வரை.

ஜுலை.

உங்கள் ராசிக்கு 5-ல் செவ்வாய், ராகு, 7, 8-ல் சூரியன் சஞ்சரிப்பதால் குடும்பத்தில் நிம்மதி குறைவு தேவையற்ற அலைச்சல் ஏற்படும். வசதி வாய்ப்புகள் இருந்தாலும் அதனை அனுபவிக்க இடையூறுகள் உண்டாகும். முடிந்த வரை தூர பயணங்களை தவிர்ப்பது நல்லது. உடல் ஆரோக்கியத்திலும், உணவு விஷயத்திலும் கவனம் செலுத்துவது சிறப்பு.  கணவன்- மனைவியிடையே தேவையற்ற வாக்கு வாதங்கள் தோன்றினாலும் ஒற்றுமைக் குறையாது. பேச்சில் கவனமுடன் செயல்பட்டால் நற்பலனை அடைய முடியும். கொடுக்கல்- வாங்கலில் பெரிய தொகைகளை ஈடுபடுத்தாது இருப்பது மூலம் வீண் பிரச்சனைகளைத் தவிர்க்கலாம். உத்தியோகஸ்தர்கள் தங்கள் பணிகளில் மட்டும் கவனம் செலுத்துவதன் மூலம் மேலதிகாரிகளின் பாராட்டுதல்களை பெற முடியும். எதிர்பார்க்கும் இடமாற்றங்கள் கிடைக்கும். சிவ பெருமானை வழிபடுவது நல்லது.

சந்திராஷ்டமம் - 27-07-2022 இரவு 12.20 மணி முதல் 30-07-2022 பகல் 12.12 மணி வரை.

ஆகஸ்ட்.

உங்கள் ராசிக்கு மாத முற்பாதியில் சூரியன் 8-ல் சஞ்சரிப்பது சற்று நெருக்கடிகளை ஏற்படுத்தும் அமைப்பு என்றாலும் இம்மாதம் புதன் 9, 10-ல் சஞ்சரிப்பதும், வரும் 10-ஆம் தேதி முதல் செவ்வாய் 6-ல் சஞ்சரிப்பதும் அனுகூலமான அமைப்பு என்பதால் எதையும் சமாளித்து ஏற்றத்தை அடைவீர்கள். பண வரவுகள் ஏற்ற இறக்கமாக இருந்தாலும் செலவுகள் கட்டுக்குள் இருக்கும். குடும்பத்தில் கணவன்- மனைவியிடையே தேவையற்ற வாக்கு வாதங்கள் தோன்றினாலும் ஒற்றுமைக் குறையாது. சுப காரியங்களுக்கான முயற்சிகளில் தாமத நிலை உண்டாகும். உடல் ஆரோக்கியத்திலும், உணவு விஷயத்திலும் கவனம் செலுத்துவது நல்லது. தொழில்- வியாபாரம் செய்பவர்கள் சற்று மந்த நிலையை சந்திக்க வேண்டியிருந்தாலும் பொருட் தேக்கம் ஏற்படாது. உத்தியோகஸ்தர்கள் பணியில் கவனமுடன் செயல்பட்டால் உயரதிகாரிகளின் ஆதரவினைப் பெற முடியும். மகாலட்சுமி வழிபாடு செய்வது உத்தமம்.

சந்திராஷ்டமம் - 24-08-2022 காலை 06.56 மணி முதல் 26-08-2022 மாலை 06.32 மணி வரை.

செப்டம்பர்.

உங்கள் ராசிக்கு 6-ல் செவ்வாய், 10-ல் புதன், 11-ல் கேது சஞ்சரிப்பதால் பொருளாதார ரீதியாக அனுகூலமான பலன்களை பெறுவீர்கள். சகல விதத்திலும் ஏற்றங்களை அடைவீர்கள். தாராள தனவரவுகள் உண்டாகும். கடன்கள் யாவும் படிப்படியாக குறையும். தொழில் வியாபாரம் செய்பவர்களுக்கு நல்ல வாய்ப்புகள் தேடி வரும். மறைமுக எதிர்ப்புகள் விலகி மனநிம்மதி ஏற்படும். கூட்டாளிகள் மற்றும் தொழிலாளர்களின் ஒத்துழைப்பு மகிழ்ச்சியினை ஏற்படுத்தும். கணவன்- மனைவியிடையே ஒற்றுமை நிலவும். சுபகாரிய முயற்சியில் நல்ல முன்னேற்றம் ஏற்படும். உற்றார் உறவினர்களின் ஆதரவுகள் மகிழ்ச்சியளிக்கும். வெளிவட்டாரத் தொடர்புகள் விரிவடையும். உத்தியோகத்தில் சிலருக்கு கௌரவமான பதவி உயர்வுகள் உண்டாகும். கொடுக்கல்- வாங்கலில் பெரிய தொகைகளை முதலீடு செய்து நல்ல லாபம் காண்பீர்கள். சனி ப்ரீதியாக ஆஞ்சநேயரை வழிபடுவது நல்லது.

சந்திராஷ்டமம் - 20-09-2022 பகல் 02.23 மணி முதல் 23-09-2022 அதிகாலை 02.03 மணி வரை.

அக்டோபர்.

உங்கள் ராசிக்கு இம்மாதம் 10, 11-ல் சூரியன், புதன், சுக்கிரன் சஞ்சரிப்பதால் எல்லா வகையிலும் அனுகூலமான பலன்கள் கிடைக்கும். எடுக்கும் முயற்சிகள் அனைத்திலும் லாபமும் வெற்றியும் கிட்டும். நினைத்ததை நிறைவேற்ற கூடிய ஆற்றலைப் பெறுவீர்கள். உடல் ஆரோக்கியத்தில் சிறுசிறு பாதிப்புகள் தோன்றி மறையும். பொருளாதார நிலை சிறப்பாக இருப்பதால் குடும்பத் தேவைகளைப் பூர்த்தி செய்து விட முடியும். எதிர்பாராத உதவிகளும் கிடைப்பதால் கடன்களும் சற்று குறையும். கணவன்- மனைவியிடையே அடிக்கடி வாக்கு வாதங்கள் ஏற்பட்டாலும் ஒற்றுமை குறையாது. தொழில் வியாபாரம் செய்பவர்கள் கூட்டாளிகளை அனுசரித்து நடந்து கொண்டால் அபிவிருத்தியை பெருக்கி கொள்ள முடியும். உத்தியோகத்தில் சக நண்பர்கள் ஒரளவுக்கு ஆதரவாக இருப்பார்கள். சனிக்குரிய பரிகாரங்களை செய்வது நல்லது.

சந்திராஷ்டமம் - 17-10-2022 இரவு 10.28 மணி முதல் 20-10-2022 காலை 10.30 மணி வரை.

நவம்பர்.

இம்மாத முற்பாதியில் உங்கள் ராசிக்கு லாப ஸ்தானத்தில் சூரியன், சுக்கிரன், புதன் சஞ்சரிப்பதால் பணவரவுகள் சிறப்பாக இருந்து அனைத்து தேவைகளும் பூர்த்தியாகும். செவ்வாய் மாத பிற்பாதியில் 6-ல் சஞ்சரிப்பதால் எதையும் எதிர்கொள்ளக்கூடிய பலம் உண்டாகும். கணவன்- மனைவியிடையே கருத்து வேறுபாடுகள் நீங்கி ஒற்றுமை பலப்படும். தொழில் வளர்ச்சிக்காக நவீனகரமான பொருட்களை வாங்கும் யோகம் உண்டாகும். தொழில் வியாபாரத்தில் போட்டி பொறாமைகளை சமாளித்து ஏற்றம் பெறக்கூடிய அளவிற்கு ஆற்றல் உண்டாகும். கூட்டாளிகள் ஒரளவுக்கு ஆதரவாக இருப்பார்கள். உத்தியோகஸ்தர்கள் தங்கள் பணிகளில் எதிர்பார்க்கும் கௌரவமான பதவி உயர்வுகளை பெற்று மகிழ்ச்சி அடையும் நிலை உண்டாகும். தேவையற்ற பயணங்களைத் தவிர்ப்பது மூலம் அலைச்சலை குறைத்துக் கொள்ளலாம். குரு பகவானை வழிபடுவது நல்லது.

சந்திராஷ்டமம் - 14-11-2022 காலை 06.30 மணி முதல் 16-11-2022 மாலை 06.58 மணி வரை.

டிசம்பர்.

உங்கள் ராசிக்கு 6-ல் செவ்வாய் 11-ல் கேது சஞ்சரிப்பதால் மறைமுக எதிர்ப்புகளை சமாளித்து முன்னேற்றத்தை அடைய முடியும். பணவரவுகள் ஏற்ற இறக்கமாக இருக்கும். ஆடம்பர செலவுகளை குறைத்து கொள்வது நல்லது. குடும்பத்தில் உள்ளவர்களை அனுசரித்து நடந்துக் கொள்வதன் மூலம் ஒற்றுமையும் மகிழ்ச்சியும் நிலவும். சூரியன் இம்மாதம் 12 மற்றும் ஜென்ம ராசியில் சஞ்சரிப்பதால் சிறுசிறு அலைச்சல் டென்ஷன்களால் உடல் உபாதைகள் ஏற்பட்டாலும் பெரிய கெடுதியிருக்காது. கொடுக்கல்- வாங்கலில் பெரிய தொகைகளை ஈடுபடுத்துவதை தவிர்ப்பது நல்லது. உத்தியோகத்தில் இருப்பவர்கள் மேலதிகாரிகளிடம் பேசும் போது பேச்சில் சற்று நிதானத்தைக் கடைபிடிப்பது உத்தமம். தொழில் வியாபாரத்தில் சிறு நெருக்கடி இருந்தாலும் உங்கள் தனி திறமையால் அடைய வேண்டிய லாபத்தை பெறுவீர்கள். பிரதோஷ காலங்களில் சிவ வழிபாடு செய்வது சிறப்பு.

சந்திராஷ்டமம் - 11-12-2022 பகல் 01.51 மணி முதல் 14-12-2022 அதிகாலை 02.32 மணி வரை.

 

அதிர்ஷ்டம் அளிப்பவை

எண் - 1,2,3,9        நிறம் - மஞ்சள், பச்சை          கிழமை - வியாழன், திங்கள்

கல் - புஷ்ப ராகம் திசை - வடகிழக்கு                   தெய்வம் - தட்சிணா மூர்த்தி