புத்தாண்டு பலன் - 2022 - சிம்மம்

 

புத்தாண்டு பலன் - 2022 -  சிம்மம் மகம், பூரம். உத்திரம்1-ஆம் பாதம்

அன்புள்ள சிம்ம ராசி நேயர்களே, அஞ்சா நெஞ்சமும் தாராள மனப்பான்மையும், பெருந்தன்மையும் கொண்ட உங்களுக்கு என் இனிய புத்தாண்டு நல்வாழ்த்துக்கள். வரும் 2022-ஆம் ஆண்டு ஒரு ராசியில் நீண்ட நாட்கள் தங்கும் கிரகமான சனி பகவான் உங்கள் ராசிக்கு 6-ல் ஆட்சி பெற்று சஞ்சரிப்பதாலும், வரும் 12-04-2022 முதல் உங்கள் ராசிக்கு முயற்சி ஸ்தானமான 3-ல் கேது சஞசரிக்க இருப்பதால் சகல விதத்திலும் ஏற்றமிகுந்த பலன்களை பெற முடியும். 

நீங்கள் எதிலும் தைரியத்துடன் செயல்பட்டு பல்வேறு முன்னேற்றங்களை பெறுவீர்கள். எந்த எதிர்ப்பையும் எதிர்கொள்ளும் பலம் ஏற்படும். பொருளாதார ரீதியாக சிறுசிறு நெருக்கடிகள் ஏற்பட்டாலும் உங்களின் தனி திறமையால் எதையும் சிறப்பாக கையாண்டு முன்னேற்றங்களை அடைவீர்கள்.

தொழில் வியாபாரம் செய்பவர்களுக்கு சற்று பொறுமை உடன் செயல்பட்டால் நல்ல வாய்ப்புகள் பெற முடியும். உங்களின் முயற்சிகள் நற்பலனை தரும். கூட்டாளிகளிடம் இருந்த பிரச்சினைகள் மறைந்து அபிவிருத்தி பெருகும். நல்ல ஒப்பந்தங்களில் கையெழுத்திடும் வாய்ப்பு கிடைக்கும். உத்தியோகஸ்தர்கள் உடன் பணிபுரிபவர்களால் சிறுசிறு இடையூறுகளை சந்தித்தாலும் எதிர்பார்த்த உயர்வுகளை தடையின்றி அடைய முடியும். உயரதிகாரிகளிடம் பேசும் போது பேச்சில் நிதானத்தை கடைபிடிப்பது நல்லது. தேவையற்ற பயணங்களை தவிர்த்தால் அலைச்சல்களை குறைத்து கொள்ள முடியும். புதிய வேலை தேடுபவர்கள் கிடைப்பதை நல்லபடி பயன்படுத்தி கொண்டால் நல்ல உயர்வுகளை பெற முடியும்.

வரும் 13-04-2022 வரை ஜென்ம ராசிக்கு 7-ல் குரு சஞ்சாரம் செய்வதால் இவ்வாண்டில் முதல் மூன்று மாதங்கள் உங்களின் பொருளாதார நிலை மிக சிறப்பாக இருக்கும். திருமண வயதை அடைந்தவர்களுக்கு நல்ல வரன்கள் தேடி வருவதால் குடும்பத்தில் திருமண சுபகாரியங்கள் கை கூடும். சிறப்பான பண வரவால் அசையும் அசையா சொத்துக்கள் வாங்கும் வாய்ப்பும், குடும்பத்தில் மகிழ்ச்சியும் ஏற்படும்.   

உங்கள் ராசிக்கு 7-ல் சஞ்சரிக்கும் குரு பகவான் வரும் 13-04-2022 முதல் அஷ்டம ஸ்தானமான 8-ல் சஞ்சரிக்க இருப்பதால் நீங்கள் எதிலும் கவனமாக செயல்பட்டால் மட்டுமே எதையும் சமாளிக்க முடியும். பண விஷயத்தில் சிக்கனமாக இருப்பது ஆடம்பர செலவுகளை குறைத்து கொள்வது நல்லது. உடல் ஆரோக்கியத்தில் அடிக்கடி பாதிப்புகள் ஏற்பட்டு வீண் செலவுகள் ஏற்படும். கணவன்- மனைவி இடையே ஒற்றுமை சிறப்பாக இருக்கும். உற்றார் உறவினர்களிடம் விட்டுக் கொடுத்து நடந்துக் கொண்டால் அவர்கள் மூலம் அனுகூலப்பலனை பெற முடியும்.

            ஆண்டின் தொடக்கத்தில் 4, 10-ல் சஞ்சரிக்கும் கேது, ராகு வரும் 12-04-2022-ல் ஏற்படவுள்ள சர்பகிரக மாற்றத்தின் மூலம் ராகு 9-லும், கேது 3-லும் சஞ்சாரம் செய்ய இருப்பதால் உங்களுக்கு உள்ள அலைச்சல்கள் சற்று குறையும். வெளியூர், வெளிநாடு மூலம் நீங்கள் எதிர்பார்க்கும் நல்ல செய்தி கிடைக்கும்.

 

தேக ஆரோக்கியம்

உடல் ஆரோக்கியத்தில் வயிறு சம்மந்தப்பட்ட பாதிப்புகள் அஜீரண கோளாறு கை கால் அசதி போன்றவை உண்டாகினாலும், அன்றாடப் பணிகளில் சுறுசுறுப்பாக செயல்படும் ஆற்றலைப் பெறுவீர்கள். குறிப்பிட்ட நேரத்தில் சாப்பிடுவது ஆரோக்கியத்தில் அக்கறை எடுத்து கொள்வது நல்லது. தேவையற்ற பயணங்களை தவிர்த்தால் அலைச்சல் குறையும்.

குடும்பம் பொருளாதாரநிலை

கணவன்- மனைவி இடையே இருந்த கருத்து வேறுபாடுகள் விலகி ஒற்றுமை ஏற்படும், திருமண சுப காரிய முயற்சிகளில் ஆண்டின் தொடக்கத்தில் அனுகூலம் உண்டாகும். பொருளாதார மேம்பாடுகளால் குடும்பத் தேவைகள் பூர்த்தியாகும். பூர்வீக சொத்துக்களால் வீண் வம்பு வழக்குகள் ஏற்படும். உற்றார் உறவினர்களை அனுசரித்து நடந்து கொண்டால் அவர்கள் மூலம் ஆதாயங்களை அடைய முடியும்.

கொடுக்கல்- வாங்கல்

பணவரவுகளில் ஏற்ற இறக்கமான நிலையிருக்கும். எது எப்படி இருந்தாலும் எந்த நெருக்கடிகளையும் சமாளித்து ஏற்றமிகுந்த பலன்களை அடைவீர்கள். உங்கள் தேவைகளை எளிதில் பூர்த்தி செய்ய முடியும். பிறரை நம்பி வாக்குறுதி கொடுப்பது முன் ஜாமீன் கொடுப்பது போன்றவற்றில் சிந்தித்து செயல்படுவது நல்லது. கொடுக்கல்- வாங்கலில் கவனமுடன் செயல்பட்டால் மட்டுமே வீண் விரயங்களை தவிர்க்க முடியும்.

தொழில் வியாபாரிகளுக்கு

தொழில் ரீதியாக மேற்கொள்ளும் பயணங்களால் அலைச்சல் டென்ஷன் ஏற்பட்டாலும் அதன் மூலம் ஆதாயத்தையும் பெற முடியும். பெரிய முதலீடுகளை ஈடுபடுத்தி செய்ய நினைக்கும் காரியங்களில் கவனமுடன் செயல்படுவது நல்லது. எதிர்பார்த்த வாய்ப்புகள் கிடைக்கும். கூட்டாளிகளையும் தொழிலாளர்களையும் அனுசரித்து நடந்து கொண்டால் அபிவிருத்தியை பெருக்கி கொள்ள முடியும். வெளியூர், வெளிநாட்டு தொடர்புடைய வாய்ப்புகளும் தேடி வரும்.

உத்தியோகஸ்தர்களுக்கு

பணியில் தேவையற்ற குழப்பங்கள் பிறர் செய்யும் தவறுகளுக்கு பொறுப்பேற்க வேண்டிய சூழ்நிலைகள் இருந்தாலும் எதையும் சமாளித்து முன்னேற கூடிய ஆற்றல் உண்டாகும். எல்லா பிரச்சினைகளும் படிப்படியாக விலகும். எதிர் பார்க்கும் ஊதிய உயர்வுகள், பதவி உயர்வுகள் கிடைக்கும். புதிய வேலைத் தேடுபவர்களுக்கு தகுதிக்கேற்ற வேலை வாய்ப்பும் அதையும். வெளியூர் வெளிநாடுகளுக்கு செல்ல விரும்புபவர்களின் விருப்பங்கள் நிறைவேறும்.

அரசியல்வாதிகளுக்கு

கட்சிப் பணிகளுக்கு நிறைய செலவு செய்ய வேண்டிய சூழ்நிலைகள் ஏற்பட்டு வீண் விரயங்கள் அதிகரிக்கும். பேச்சில் நிதானத்தை கடைபிடிப்பது நல்லது. பொருளாதார நிலையில் சரளமான நிலை இருப்பதால் கொடுத்த வாக்குறுதிகளை காப்பாற்றி மக்களின் ஆதரவினைப் பெற முடியும். எதிர்பாராத உயர் பதவி கிடைக்கும். பெயர், புகழ் உயரும். பத்திரிக்கை நண்பர்களின் ஆதரவு சிறப்பாக இருக்கும்.

விவசாயிகளுக்கு

பயிர் விளைச்சல் சிறப்பாக அமைய நிறைய பாடுபட வேண்டியிருக்கும். வாய்க்கால் வரப்பு பிரச்சினைகளால் நீர் வரத்து குறையும் என்றாலும் எதிலும் எதிர் நீச்சல் போட்டாவது லாபத்தினை பெற்று விடுவீர்கள். புதிய பூமி, மனை, வண்டி, வாகனம் வாங்க கூடிய யோகம் உண்டாகும். குடும்பத்தில் சுப காரியங்கள் கை கூடி மகிழ்ச்சியளிக்கும். அரசு வழியில் ஆதரவுகள் கிடைக்கும்.

பெண்களுக்கு

உடல் ஆரோக்கியத்தில் சிறு சிறு பாதிப்புகள் தோன்றினாலும் மருத்துவ செலவுகள் ஏற்படாது. உற்றார் உறவினர்களை அனுசரித்து நடந்து கொள்வது நல்லது. குடும்ப விவகாரங்களை பிறரிடம் பகிர்ந்து கொள்வதை தவிர்க்கவும். திருமண வயதை அடைந்தவர்களுக்கு ஆண்டின் தொடக்கத்தில் நல்லது நடக்கும். கணவன்-  மனைவி ஒற்றுமை சிறப்பாக இருக்கும். எதிர்பாராத உதவிகள் கிடைக்கப் பெற்று உங்களுக்கு ஏற்படும் பொருளாதார நெருக்கடிகளை எதிர் கொள்ளும் பலம் உண்டாகும்.

படிப்பு

கல்வியில் முழு முயற்சியுடன் செயல்பட வேண்டிய காலமிது. மந்த நிலை, ஞாபகமறதி போன்றவை ஏற்பட்டாலும் அடைய வேண்டிய இலக்கை எளிதில் அடைய முடியும். பயணங்களில் கவனமுடன் இருப்பது நல்லது. தேவையற்ற நட்புக்களால் வீண் பழிச் சொற்களும், மன நிம்மதி குறைவும் உண்டாகும். பெரியோர்களிடம் வீண் வாக்குவாதங்களை தவிர்ப்பது நல்லது.

 

மாதப் பலன்கள்

ஜனவரி.

உங்கள் ராசிக்கு 6-ல் சனி, 7-ல் குரு, மாத பிற்பாதியில் 6-ல் சூரியன் சஞ்சரிப்பதால் எல்லா வகையிலும் அனுகூலமான பலன்கள் நடக்கும். தாராள தன வரவுகள் உண்டாகும். குடும்ப தேவைகள் அனைத்தும் பூர்த்தியாவதுடன் கடன்களும் நிவர்த்தி ஆகும். திருமண சுப காரியங்களுக்கான முயற்சிகளில் சாதகப்பலன் கிட்டும். கணவன்- மனைவியிடையே ஒற்றுமை சிறப்பாக இருக்கும். தொழில் வியபாரம் நல்ல முறையில் நடைபெற்று லாபத்தை அள்ளி தரும். போட்டி பொறாமைகளை சமாளித்து ஏற்றம் பெறக்கூடிய அளவிற்கு ஆற்றல் உண்டாகும். கூட்டாளிகள் ஒரளவுக்கு ஆதரவாக இருப்பார்கள். உத்தியோகஸ்தர்கள் தங்கள் பணிகளில் எதிர்பார்க்கும் கௌரவமான பதவி உயர்வுகளை பெறுவதற்கான வாய்ப்புகள் அமையும். பணம் கொடுக்கல்- வாங்கல் சரளமாக நடைபெறும். முருக வழிபாடு செய்வது உத்தமம்.

சந்திராஷ்டமம் - 08-01-2022 அதிகாலை 00.15 மணி முதல் 10-01-2022 காலை 08.49 மணி வரை.

பிப்ரவரி.

உங்கள் ராசிக்கு 6-ல் சூரியன், சனி, 7-ல் குரு சஞ்சரிப்பதால் நீங்கள் நினைத்ததெல்லாம் நடக்ககூடிய இனிய மாத இருக்கும். பொருளாதார நிலை மிகச்சிறப்பாக இருக்கும். ஆரோக்கிய பிரச்சினைகள் ஏற்பட்டாலும் எதையும் சமாளிக்கும் ஆற்றல் உண்டாகும். கணவன்- மனைவியிடையே அன்யோன்யம் அதிகரிக்கும். உற்றார் உறவினர்களின் ஆதரவுகள் மகிழ்ச்சியளிப்பதாக அமையும். தொழில் வளர்ச்சிக்காக எடுக்கும் முயற்சிகளில் வெற்றி கிட்டும். கூட்டாளிகள் வழியில் அனுகூலங்கள் ஏற்படும். கொடுக்கல்- வாங்கலில் பெரிய தொகைகளை ஈடுபடுத்தி லாபகரமான பலன்களை அடைவீர்கள். கடன்கள் சற்றே குறையும். உத்தியோகஸ்தர்களுக்கு தடைப்பட்ட பதவி உயர்வு, ஊதிய உயர்வு  கிடைக்கும். அரசு வழியில் எதிர்பார்க்கும் உதவிகள் கிடைக்கும். விநாயகர் வழிபடுவது உத்தமம்.

சந்திராஷ்டமம் - 04-02-2022 காலை 10.02 மணி முதல் 06-02-2022 மாலை 05.09 மணி வரை.

மார்ச்.

உங்கள் ராசிக்கு 6-ல் சனி, செவ்வாய், 7-ல் குரு சஞ்சரிப்பதால் குடும்பத்தில் மகிழ்ச்சியும் சந்தோஷமும் ஏற்படும். சூரியன் 7, 8-ல் சஞ்சரிப்பதால் ஆரோக்கியத்தில் அக்கறை செலுத்துவதன் மூலம் எடுக்கும் காரியங்களை சிறப்புடன் செய்து முடிக்கும் ஆற்றல் உண்டாகும். கணவன்- மனைவியிடையே வீண் வாக்கு வாதங்களை தவிர்ப்பது உத்தமம். உற்றார் உறவினர்களை அனுசரித்து நடந்து கொண்டால் அவர்களும் ஓரளவுக்கு ஆதரவாக நடந்து கொள்வார்கள். கொடுக்கல்- வாங்கலில் சிறப்பான நிலை இருக்கும். மறைமுக எதிர்ப்புகள் முழுமையாக விலகும். தொழில் வியாபாரத்தில் புதிய யூக்திகளை பயன்படுத்தில் லாபங்களை அடையும் யோகம் உண்டு. நவீன பொருட்கள் வாங்கும் எண்ணம் நிறைவேறும். உத்தியோகஸ்தர்களுக்கு பணியில் நிம்மதியான நிலை இருக்கும். சிவ வழிபாடு செய்வது நல்லது.

சந்திராஷ்டமம் - 03-03-2022 இரவு 08.03 மணி முதல் 06-03-2022 அதிகாலை 02.29 மணி வரை மற்றும் 31-03-2022 அதிகாலை 04.32 மணி முதல் 02-04-2022 பகல் 11.21 மணி வரை.

ஏப்ரல்.

உங்கள் ராசிக்கு 6-ல் சனி சஞ்சரிப்பது நல்ல அமைப்பு என்றாலும் மாத முற்பாதியில் சூரியன் 8-ல் சஞ்சரிப்பதால் எதிலும் நிதானமாக செயல்பட்டால் நற்பலன்களை அடைய முடியும். ஆரோக்கியத்தில் அக்கறை செலுத்தினால் எதையும் சமாளிக்க முடியும். கணவன்- மனைவி விட்டு கொடுத்து செல்வது, உற்றார் உறவினர்களிடம் பேச்சில் நிதானத்தை கடைபிடிப்பது நல்லது. திருமண சுப காரியங்களுக்கான முயற்சிகளில் மாத தொடக்கத்தில் நல்ல செய்தி கிடைக்கும். கொடுக்கல்- வாங்கலில் சரளமான நிலை இருக்கும். கொடுத்த கடன்களும் வசூலாகும். தொழில் வியாபாரத்தில் இருந்த மந்த நிலை நீங்கி நல்ல முன்னேற்றம் ஏற்படும். கூட்டுத் தொழில் செய்பவர்களுக்கு நல்ல வாய்ப்புகள் கிடைக்கப் பெற்று அபிவிருத்தி பெருகும். உத்தியோகஸ்தர்களுக்கு பணியில் சற்று நிம்மதியான நிலை இருக்கும். சிவ வழிபாடு செய்வது உத்தமம்.

சந்திராஷ்டமம் - 27-04-2022 பகல் 11.00 மணி முதல் 29-04-2022 மாலை 06.42 மணி வரை.

மே.

உங்கள் ராசிக்கு 3-ல் கேது, 9, 10-ல் சூரியன், 10-ல் புதன் சஞ்சரிப்பதால் எதையும் எதிர்கொள்ளும் பலம் உண்டாகும். எடுக்கும் முயற்சிகளில் தடையின்றி வெற்றி கிட்டும். பணவரவுகள் ஓரளவு சிறப்பாக இருப்பதால் குடும்பத் தேவைகளை பூர்த்தி செய்து விட முடியும். சனி 7-ல், குரு 8-ல் சஞ்சரிப்பதால் எதிலும் சிக்கனமாக இருப்பது நல்லது. உடல் ஆரோக்கியத்தில் சற்றே மந்தநிலை உண்டாகும். கணவன்- மனைவியிடையே சிறுசிறு கருத்து வேறுபாடுகள் தோன்றினாலும் ஒற்றுமை குறையாது. திருமண சுப காரியங்களுக்கான முயற்சிகளில் இடையூறு உண்டாகும். தொழில் வியாபாரம் செய்பவர்களுக்கு இருந்த போட்டி பொறாமைகள் விலகும். உத்தியோகஸ்தர்கள் தங்கள் பணிகளில் திறம்பட செயல்பட்டு உயரதிகாரிகளின் பாராட்டுதல்களை பெறுவார்கள். உடன் பணிபுரிபவர்களை அனுசரித்து செல்வது நல்லது. தட்சிணாமூர்த்தியை தரிசிப்பது நல்லது.

சந்திராஷ்டமம் - 24-05-2022 மாலை 04.26 மணி முதல் 27-05-2022 அதிகாலை 00.38 மணி வரை.

ஜுன்.

உங்கள் ராசிக்கு 9, 10-ல் சுக்கிரன், 10, 11-ல் சூரியன் சஞ்சரிப்பதால் நீங்கள் பல்வேறு வகையில் வளமான பலன்களை பெறுவீர்கள். குடும்ப ஒற்றுமை ஓரளவு சிறப்பாக இருக்கும். பொன், பொருள் போன்றவற்றை வாங்கும் வாய்ப்பு அமையும். உற்றார் உறவினர்கள் ஆதரவாக செயல்படுவார்கள். ஆன்மீக, பெரிய மனிதர்களின் தொடர்புகள் கிடைக்கப் பெற்று மகிழ்ச்சி ஏற்படும். செவ்வாய், குரு 8-ல் சஞ்சரிப்பதால் ஆரோக்கியத்தில் சற்று அக்கறை எடுத்துக் கொள்வது நல்லது.  தொழில் வியாபாரத்தில் லாபங்கள் அதிகரிக்கும். போட்டி பொறாமைகள், மறைமுக எதிர்ப்புகள் குறையும். கூட்டாளிகள் மற்றும் தொழிலாளர்களின் ஒத்துழைப்பால் அபிவிருத்தி பெருகும். பண வரவுகள் சிறப்பாக இருப்பதால் கடன்கள் குறையும். உத்தியோகஸ்தர்கள் எதிர்பார்க்கும் உயர்வுகள் சில தடைகளுக்கு பின் கிடைக்கும். முருக வழிபாடு செய்வது நல்லது.

சந்திராஷ்டமம் - 20-06-2022 இரவு 10.35 மணி முதல் 23-06-2022 காலை 06.15 மணி வரை.

ஜுலை.

உங்கள் ராசிக்கு 10, 11-ல் சுக்கிரன், மாத முற்பாதியில் லாப ஸ்தானத்தில் சூரியன் சஞ்சரிப்பதால் எண்ணிய எண்ணங்கள் யாவும் தடையின்றி நிறைவேறும். எதிர்பாராத பணவரவுகள் ஏற்பட்டு உங்கள் தேவைகள் பூர்த்தியாகும். உற்றார் உறவினர்களால் ஒருசில அனுகூலங்கள் உண்டாகும். கணவன்- மனைவியிடையே அன்யோன்யம் அதிகரிக்கும். பிள்ளைகளால் மகிழ்ச்சி ஏற்படும். ஆடம்பர செலவுகளை குறைத்துக் கொள்வது, ஆரோக்கியத்தில் அக்கறை செலுத்துவது நல்லது. தொழில் வியாபாரம் செய்பவர்களுக்கு புதிய வாய்ப்புகள் தேடி வரும். வெளியூர், வெளிநாட்டு தொடர்புடையவற்றாலும் அனுகூலம் ஏற்படும். வேலையாட்களை அனுசரித்து செல்வதன் மூலம் அனுகூலங்கள் உண்டாகும். வாகனம் வாங்கும் நோக்கம் நிறைவேறும். உத்தியோகஸ்தர்களின் திறமைகளுக்கு ஏற்ற உயர்வுகள் கிட்டும். தட்சிணாமூர்த்தியை வழிபடுவது நல்லது.

சந்திராஷ்டமம் - 18-07-2022 காலை 06.34 மணி முதல் 20-07-2022 பகல் 12.50 மணி வரை.

ஆகஸ்ட்.

உங்கள் ராசிக்கு 8-ல் குரு, 12-ல் சூரியன் சஞ்சரிப்பதால் எதிலும் நிதானமாக செயல்படுவது நல்லது. உடல் ஆரோக்கியத்தில் மந்தநிலை சோர்வு உற்சாகமின்மை போன்றவை உண்டாகும். குடும்பத்தில் உள்ளவர்களிடம் விட்டு கொடுத்து நடந்து கொள்வது நல்லது. அசையா சொத்துகளால் சிறுசிறு விரயங்களை சந்திக்க நேரிடும். எடுக்கும் முயற்சிகளில் எதிர் நீச்சல் போட வேண்டி வரும். தொழில் வியாபாரம் செய்பவர்கள் கூட்டாளிகள் மற்றும் தொழிலாளர்களிடம் விட்டு கொடுத்து நடப்பது நல்லது. பெரிய முதலீடுகளை ஈடுபடுத்தி செய்ய நினைக்கும் காரியங்களில் சிந்தித்து செயல்படவும். வரும் 10-ஆம் தேதி முதல் செவ்வாய் 10-ல் சஞ்சாரம் செய்ய இருப்பதால் உத்தியோகஸ்தர்களுக்கு பணியில் நிம்மதியான நிலையிருக்கும். உடன் பணிபுரிபவர்கள் ஒரளவுக்கு சாதகமாகச் செயல்படுவார்கள். தட்சிணாமூர்த்தியை வழிபாடு செய்வது நல்லது.

சந்திராஷ்டமம் - 14-08-2022 மாலை 04.15 மணி முதல் 16-08-2022 இரவு 09.05 மணி வரை.

செப்டம்பர்.

ஜென்ம ராசியில் சூரியன் சஞ்சரிப்பதால் பண விஷயத்தில் கவனத்துடன் செயல்படுவது நல்லது. கணவன்- மனைவியிடையே தேவையற்ற கருத்து வேறுபாடுகள் தோன்றினாலும் ஒற்றுமை குறையாது. குரு வக்ர கதியில் சஞ்சரிப்பதால் சுப காரியங்களுக்கான முயற்சிகளில் அனுகூலம் உண்டாகும். உற்றார் உறவினர்களை சற்று அனுசரித்து செல்வது நல்லது. செவ்வாய் 10-ல் இருப்பதால் தொழில், வியாபாரம் செய்பவர்களுக்கு நல்ல வாய்ப்புகள் கிடைக்கப் பெறும் என்றாலும் பெரிய முதலீடுகளை ஈடுபடுத்தும் போது சிந்தித்துச் செயல்படுவது நல்லது. கொடுக்கல்- வாங்கல் போன்றவற்றில் கவனமுடன் நடந்து கொண்டால் வீண் விரயங்கள் ஏற்படுவதை தவிர்க்க முடியும். உத்தியோகத்தில் இருப்பவர்களுக்கு வேலைபளு இருந்தாலும் பணியில் நிம்மதியுடன் செயல்பட முடியும். விஷ்ணு வழிபாடு செய்வது உத்தமம்.

சந்திராஷ்டமம் - 11-09-2022 அதிகாலை 02.22 மணி முதல் 13-09-2022 காலை 06.35 மணி வரை.

அக்டோபர்.

உங்கள் ராசிக்கு 6-ல் சனி, 10, 11-ல் செவ்வாய் சஞ்சரிப்பதால் அனுகூலமான பலன்களை பெறுவீர்கள். சுப காரியங்கள் எளிதில் கைகூடி குடும்பத்தில் மகிழ்ச்சி ஏற்படும். கணவன்- மனைவியிடையே ஒற்றுமை சிறப்பாக இருக்கும். அசையும் அசையா சொத்துகள் வாங்கும் முயற்சிகளில் அனுகூலப்பலனை அடைவீர்கள். பொருளாதார மேம்பாடுகளால் குடும்பத் தேவைகள் யாவும் பூர்த்தியாகும். கொடுக்கல்- வாங்கலில் பெரிய முதலீடுகளை எளிதில் ஈடுபடுத்த முடியும். தொழில் வியாபாரத்தில் இருந்த போட்டிகள் குறையும். கூட்டாளிகளும், தொழிலாளர்களும் ஆதரவாக செயல்படுவார்கள். கேது 3-ல் இருப்பதால் எடுக்கும் முயற்சிகளில் வெற்றி கிட்டும். உங்களுக்குள்ள வம்பு வழக்குகளில் தீர்ப்பு சாதகமாக இருக்கும். உத்தியோகஸ்தர்களுக்கு உயர் அதிகாரிகளின் பாராட்டுதல்கள் மகிழ்ச்சி அளிக்கும். துர்கையம்மனை வழிபடுவது நல்லது.

சந்திராஷ்டமம் - 08-10-2022 பகல் 11.23 மணி முதல் 10-10-2022 மாலை 04.01 மணி வரை.

நவம்பர்.

உங்கள் ராசிக்கு 3-ல் சூரியன், 6-ல் சனி சஞ்சரிப்பதால் எதிலும் வெற்றி மேல் வெற்றி அடைவீர்கள். சுப காரியங்களில் அனுகூலம் உண்டாகும். உடல் ஆரோக்கியம் சிறப்பாக அமையும். குடும்பத்தில் உள்ளவர்களும் சுறுசுறுப்புடன் செயல்படுவார்கள். எடுக்கும் முயற்சிகள் எல்லாவற்றிலும் மேன்மை உண்டாகி மனமகிழ்ச்சி ஏற்படும். பண வரவுகள் ஏற்ற இறக்கமாக இருந்தாலும் எதிர்பாராத உதவிகளும் கிடைக்கும். நவீன பொருட்கள் வாங்கும் வாய்ப்பு அமையும். குரு 8-ல் இருப்பதால் பணவிஷயத்தில சற்று சிக்கனத்துடன் இருப்பது நல்லது. உற்றார் உறவினர்களின் ஆதரவு மகிழ்ச்சியளிக்கும். அசையும் அசையா சொத்துகள் வாங்கும் யோகம் கிட்டும். தொழில் வியாபாரம் செய்பவர்களுக்கு நல்ல வாய்ப்புகள் தேடி வரும். கொடுக்கல்- வாங்கல் போன்றவவை சரளமான நிலையிருக்கும். உத்தியோகஸ்தர்கள் பணியில் உயர்வடைவார்கள்.

குரு பகவானை வழிபடுவது நல்லது.

சந்திராஷ்டமம் - 04-11-2022 மாலை 06.20 மணி முதல் 06-11-2022 இரவு 12.03 மணி வரை.

டிசம்பர்.

உங்கள் ராசிக்கு பஞ்சம ஸ்தானமான 5-ல் புதன், சுக்கிரன், 6-ல் சனி சஞ்சரிப்பதால் எல்லா வகையிலும் சாதகமான பலன்களை பெறுவீர்கள். சுப காரியங்கள் கை கூடுவதற்கான வாய்ப்புகள் அமையும். புத்திர வழியில் மகிழ்ச்சி ஏற்படும். கணவன்- மனைவியிடையே ஒற்றுமை சிறப்பாக இருக்கும். அசையும், அசையா சொத்துகள் வாங்கும் எண்ணங்கள் ஈடேறும். பணவரவுகள் சிறப்பாக இருப்பதால் குடும்ப தேவைகள் அனைத்தும் பூர்த்தியாகும். உத்தியோகஸ்தர்கள் பணியில் திறம்பட செயல்படுவார்கள். கொடுக்கல்- வாங்கலில் சரளமான நிலையிருக்கும். கொடுத்த கடன்களும் வீடு தேடி வரும். தொழில் வியாபாரம் செய்பவர்களுக்கு நல்ல லாபங்கள், எதிர்பார்க்கும் வாய்ப்புகள் கிட்டும். பயணங்களால் அனுகூலம் ஏற்படும். சிவபெருமானை வழிபடுவது நல்லது.

சந்திராஷ்டமம் - 01-12-2022 இரவு 11.47 மணி முதல் 04-12-2022 காலை 06.16 மணி வரை மற்றும் 29-12-2022 அதிகாலை 05.55 மணி முதல் 31-12-2022 பகல் 11.45 மணி வரை.

 

அதிர்ஷ்டம் அளிப்பவை

எண் - 1,2,3,9                         நிறம் - வெள்ளை, சிவப்பு            கிழமை - ஞாயிறு, திங்கள்

கல் -  மாணிக்கம்              திசை - கிழக்கு                   தெய்வம் - சிவன்