சிம்மம் - சனி பெயர்ச்சி பலன்கள் 2023 - -2025

 

சிம்மம் - சனி பெயர்ச்சி பலன்கள் 2023 - -2025

கணித்தவர்

ஜோதிட மாமணி,

முனைவர் முருகு பால முருகன்

Dip in astro, B.L, M.A.astro. PhD in Astrology.

ஆசிரியர் - பால ஜோதிடம் (வார இதழ்)

No: 19/33 வடபழனி ஆண்டவர் கோயில் தெரு,

வடபழனி, சென்னை - 600 026 இந்தியா.

cell: 0091  7200163001. 9383763001,

சிம்மம் ( மகம், பூரம். உத்திரம் 1-ஆம் பாதம் )

சூரியனின் ராசியில் பிறந்த உங்களுக்கு திருக்கணிதப்படி வரும் 17-01-2023 முதல் 29-03-2025 வரை (வாக்கியப்படி 29-03-2023 முதல் 06-03-2026 வரை) ஜென்ம ராசிக்கு சமசப்தம ஸ்தானமான 7-ஆம் வீட்டில் ஒரு ராசியில் நீண்ட காலம் தங்கும் கிரகமான சனி ஆட்சி பெற்று சஞ்சரிக்க உள்ளதால் நெருங்கியவர்களை அனுசரித்து செல்வது நல்லது. உடல் ஆரோக்கியத்தில் கவனம் செலுத்துவதும், கணவன்- மனைவியிடையே விட்டுக் கொடுத்து செல்வதும் சிறப்பு. சனி தனது சிறப்பு பார்வையாக ஜென்ம ராசி, 4, 9-ஆகிய ஸ்தானங்களை பார்ப்பதால் அதிக அலைச்சல் காரணமாக இருப்பதை அனுபவிக்க இடையூறுகள் ஏற்படும். இருந்தும் அனுபவிக்க முடியாத நிலை உண்டாகும். நெருங்கியவரிடம் ஒன்றுமே இல்லாத விஷயத்திற்கு கூட கருத்து வேறுபாடுகள் ஏற்படலாம்.

தொழில், வியாபாரத்தில் உங்கள் உழைப்புக்கான ஆதாயங்களை அடையக்கூடிய யோகம் இருந்தாலும் கூட்டாளிகளாலும் சக நண்பர்களாலும் சில மனக்கவலைகள் ஏற்படலாம் என்பதால் உடனிருப்பவர்களிடம் பார்த்து பழகுவது நல்லது. எடுக்கும் முயற்சியில் எதிர்நீச்சல் போட்டாவது அடைய வேண்டிய இலக்கை அடைவீர்கள். தொழில் அபிவிருத்திக்காக நீங்கள் மேற்கொள்ளக்கூடிய முயற்சிகளுக்கு நல்ல ஆதரவு கிடைக்கும் என்றாலும் ஒவ்வொரு செயலிலும் சிந்தித்து செயல்பட்டால் அடைய வேண்டிய அனுகூலத்தை அடைய முடியும். பணப்பரிமாற்ற விஷயங்களில் அனுகூலமான பலன்களை பெறுவீர்கள்.

உத்தியோகத்தில் இருப்பவர்களுக்கு திறமைகளை வெளிக்காட்ட நல்ல சந்தர்ப்பமும், எதையும் எதிர்கொள்ளக்கூடிய பலமும் உண்டாகும். அதிகாரிகளின் ஒத்துழைப்பு சிறப்பாக இருக்கும். உடன் வேலை செய்பவர்களை சற்று அனுசரித்து செல்வது நல்லது.

சனி 7-ல் சஞ்சரிக்கும் இந்த தருணத்தில் உங்கள் ராசிக்கு பாக்கிய ஸ்தானமான 9-ல் குரு பகவான் 22-04-2023 முதல் 01-05-2024 வரை சஞ்சாரம் செய்ய இருப்பது உன்னதமான அமைப்பாகும். இக்காலத்தில் பொருளாதார அனுகூலங்களும், சுப காரியங்கள் கைகூடக் கூடிய வாய்ப்பும், அழகிய குழந்தைகளை பெற்றெடுக்கக்கூடிய ஒரு யோகமும் உண்டாகும். ஒரு சிலருக்கு வீடு வாசல் போன்றவை அமையக்கூடிய ஒரு அதிர்ஷ்டங்களும் ஏற்படும்.

சர்ப்ப கிரகமான கேது தற்போது வரும் 30-10-2023 வரை முயற்சி ஸ்தானமான 3-ல் சஞ்சரிக்க இருப்பது உங்கள் முயற்சிகளுக்கு சாதகமான பலன்களை தரக்கூடிய அமைப்பாகும். ராகு 9-ல் சஞ்சரிப்பதால் வெளியூர் தொடர்புகள் மூலமாக அனுகூலங்களைப் பெறுவீர்கள். உங்கள் ராசிக்கு வரும் 30-10-2023 முதல் 18-05-2025 வரை 2-ல் கேது, 8-ல் ராகு சஞ்சரிக்க இருப்பதால் இக்காலங்களில் பேச்சில் பொறுமையோடு இருப்பது, பயணங்களில் சற்று எச்சரிக்கையோடு இருப்பது நல்லது.

 

உடல் ஆரோக்கியம்

உங்கள் தேக ஆரோக்கியத்தில் சற்று சோர்வான நிலை ஏற்பட்டாலும் உங்களின் தனித்திறமையால் எதையும் எதிர்கொள்ள கூடிய பலம் உண்டாகும். அலைச்சல் காரணமாக இருப்பதை அனுபவிக்க இடையூறுகள் ஏற்படும். தேவையற்ற பயணங்களை தவிர்ப்பது நல்லது. நெருங்கியவர்கள் செயலால் உங்களது மனநிலை பாதிக்கப்பட்டு வீண் மருத்துவ செலவுகள் ஏற்படும்.

குடும்பம் பொருளாதார நிலை            

பண வரவுகள் சிறப்பாக இருந்து அனைத்து தேவைகளையும் பூர்த்தி செய்யக்கூடிய யோகம் உண்டாகும். வீடு, மனை போன்றவற்றினை புதிதாக வாங்கக்கூடிய யோகம், பொன், பொருள் சேரக்கூடிய அதிர்ஷ்டங்கள் உண்டு. திருமண சுபகாரியங்கள் சிறு தடைக்கு பிறகு கைகூடும். கணவன்- மனைவியிடையே விட்டுக்கொடுத்து செல்வது, உற்றார்- உறவினர்களிடம் பேச்சை குறைத்துக் கொள்வது உத்தமம்.

கொடுக்கல்- வாங்கல்

பணப்பரிமாற்ற விஷயங்களில் சிறப்பான அனுகூலங்களை பெறக்கூடிய யோகம் இருந்தாலும் கணக்கு வழக்கு இல்லாமல் மற்றவர்களுக்கு கடன் கொடுக்கக் கூடிய விஷயங்களில் சற்று கவனத்தோடு இருப்பது நல்லது. அதிக முதலீடு கொண்ட செயல்களில் சிந்தித்து செயல்பட்டால் வீண் செலவுகளையும், இழப்புகளையும் தவிர்க்க முடியும்.

தொழில் வியாபாரம்

தொழில் வியாபாரத்தில் உங்கள் செயல்களுக்கு நல்ல ஆதரவு கிடைக்கும். மறைமுக போட்டிகள் இருந்தாலும் தனித்திறமையால் எதையும் எதிர்கொள்வீர்கள். வெளியூர் தொடர்புகள் மூலமாக ஆதாயங்களை பெறுவீர்கள். சில விஷயங்களில் வேலையாட்களை எதிர்பார்க்காமல் நீங்களே நேரடியாக செயல்பட்டால் லாபங்களை அடைய முடியும். கூட்டாளிகளிடம் சற்று கவனத்தோடு இருக்க வேண்டிய நேரமாகும்.

உத்தியோகம்

நீங்கள் எதிர்பார்க்கக்கூடிய நல்ல வாய்ப்புகள் கிடைக்கும் என்றாலும் வேலைபளு சற்று அதிகப்படியாக இருக்கும். எடுத்த பணியை சிறப்பாக செய்து முடிப்பீர்கள் என்றாலும் உங்களது உடல் ஆரோக்கியம் பணியில் சிறப்பாக செயல்பட ஒத்துழைக்காது. உடன் வேலை செய்பவர்களை அனுசரித்து செல்வது நல்லது. அதிகாரிகள் ஒத்துழைப்பு சிறப்பாக இருக்கும்.

அரசியல்

மக்கள் மத்தியில் உங்கள் பெயர், புகழ், செல்வாக்கு மேலோங்கும். பண வரவுக்கு எந்த விதத்திலும் குறை இருக்காது. நண்பர்கள் மூலமாக தேவையற்ற நெருக்கடிகள் ஏற்படும். உடனிருப்பவர்களிடம் பேச்சை குறைப்பது நல்லது. கட்சி பணிக்காக அடிக்கடி பயணங்கள் மேற்கொள்ளக் கூடிய ஒரு சூழ்நிலையும் அதன் மூலம் வீண் செலவுகளும் உண்டாகும்.

விவசாயிகள்

பயிர் விளைச்சல் சிறப்பாக இருந்து சந்தையில் நல்ல விலை கிடைக்கும். பங்காளிகள் மற்றும் நெருங்கிய இட உரிமையாளரிடம் தேவையற்ற கருத்து வேறுபாடுகள் ஏற்படலாம். வீண் பேச்சைக் குறைத்துக் கொண்டு உங்கள் பணியில் மட்டும் கவனத்தோடு இருப்பது நல்லது. நவீன கருவிகளை வாங்கக்கூடிய அமைப்பும் அதற்காக கடன் வாங்க கூடிய நிலையும் உண்டாகும்.

பெண்கள்

பொருளாதார நிலை சிறப்பாக இருந்து உங்களது தேவைகள் பூர்த்தியாகும். நவீன ஆடைகளையும், ஆபரணங்களையும் வாங்கும் யோகம் உண்டு. கணவன்- மனைவியிடையே தேவையற்ற கருத்து வேறுபாடுகள் ஏற்படக்கூடிய நேரம் என்பதால் விட்டுக்கொடுத்து செல்வது, சில நேரங்களில் முன் கோபத்தை குறைத்துக் கொள்வது நல்லது. சுபகாரிய முயற்சிகளில் நல்லது நடக்கக்கூடிய யோகம் இருந்தாலும் உற்றார் உறவினர்களின் செயல்களால் சில இடர்பாடுகளை சந்திக்க நேரிடும்.

கலைஞர்கள்

உங்களுக்கு ஒரு பெரிய மனிதரின் ஆதரவு கிடைப்பதால் நல்ல கதாபாத்திரத்தை ஏற்று நடிக்கும் வாய்ப்பு உண்டாகும். பொருளாதார நிலை சிறப்பாக இருந்தாலும் அலைச்சல் காரணமாக ஓய்வு நேரம் குறைய கூடிய நிலையில் உடல் உபாதைகளும் உண்டாக்கலாம். நேரத்திற்கு சாப்பிடுவது, உடல் ஆரோக்கியத்திற்கு முக்கியத்துவம் தருவது நல்லது. சக நண்பர்களிடம் முக்கிய விஷயங்களை பகிர்ந்து கொள்ளாமல் இருப்பது உத்தமம்.

மாணவ மாணவியர்

படிப்பில் கவனமாக செயல்பட்டால் நல்ல மதிப்பெண்களை பெற முடியும். முடிந்தவரை தேவையற்ற பழக்க வழக்கங்களையும், தவறான நட்புகளையும் தவிர்ப்பது நல்லது. பெற்றோரிடம் வாக்குவாதங்கள் செய்யாமல் இருந்தால் நல்ல பெயர் எடுக்க முடியும். உயர் படிப்பிற்காக மேற் கொள்ளும் முயற்சிகள் வெற்றி தரும்.

 

சனிபகவான் அவிட்ட நட்சத்திரத்தில்             17-01-2023 முதல் 14-03-2023 வரை

சனி பகவான் உங்கள் ராசிக்கு 7---ல் அவிட்ட நட்சத்திரத்தில் சஞ்சரிப்பதால் உடனிருப்பவர்களை அனுசரித்து செல்வது நல்லது. அலைச்சல் காரணமாக உடல் அசதி, சிறு சிறு ஆரோக்கிய பாதிப்புகள் உண்டாகலாம். பணவரவில் ஒரு ஏற்ற இறக்கமான நிலை இருக்கும் என்பதால் சிக்கனத்தோடு நடந்து கொள்வது, ஆடம்பர செலவுகளை குறைத்துக் கொள்வது நல்லது. குரு 8-ல் சஞ்சரிப்பதால் எளிதில் முடிய வேண்டிய காரியங்கள் தாமதமாகும். கேது 3-ல், ராகு 9-ல் சஞ்சரிப்பதால் எதிர்பாராத உதவிகள் சில கிடைத்து உங்கள் தேவைகள் பூர்த்தியாகும். கொடுக்கல்- வாங்கல் விஷயத்தில் சிந்தித்து செயல்படவும். தொழில், வியாபாரத்தில் முனைப்புடன் செயல்பட்டால் அனுகூலமான பலன்களை அடைய முடியும். பெரிய முதலீடுகளை ஈடுபடுத்தி செய்யும் செயல்களில் சற்று எச்சரிக்கையுடன் இருப்பது நல்லது. உத்தியோகஸ்தர்களுக்கு வேலைபளு இருந்தாலும் அதற்கான ஆதாயங்கள் கிடைக்கும். தட்சிணாமூர்த்தி வழிபாடு நன்மை தரும்.

சனிபகவான் சதயம் நட்சத்திரத்தில்               15-03-2023 முதல் 17-06-2023 வரை

சனி, ராகு நட்சத்திரத்தில் 7-ல் சஞ்சரிப்பதால் உணர்ச்சிவசப்படாமல் நிதானத்தோடு செயல்படுவது, கணவன்- மனைவியிடையே விட்டுக்கொடுத்து செல்வது நல்லது. வரும் 22-04-2023 முதல் குரு பாக்கிய ஸ்தானமான 9-ல் சஞ்சரிப்பதால் உங்களின் பொருளாதார பிரச்சினைகள் குறைந்து பண வரவுகள் தாராளமாக இருக்கும். குடும்பத்தில் மங்களகரமான சுப காரியங்கள் கைகூடக் கூடிய வாய்ப்புகள் உண்டு. உடல் ஆரோக்கியம் சிறப்பாக இருந்து எதிலும் சுறுசுறுப்பாக செயல்படுவீர்கள். மகிழ்ச்சி தரக்கூடிய இனிய நிகழ்வுகள் நடக்கும். தொழில், வியாபாரத்தில் கூட்டாளிகளை அனுசரித்து சென்றால் அடைய வேண்டிய லாபங்களை அடைய முடியும். உத்தியோகத்தில் இருப்பவர்களுக்கு திறமைகளை வெளிக்காட்ட நல்ல சந்தர்ப்பங்கள் அமையும். பூர்வீக சொத்து வகையில் அனுகூலமான பலன்களை பெறுவீர்கள். வெளியூர் தொடர்புகள் நன்மை தரும். ஆஞ்சநேயர் வழிபாடு, விநாயகர் வழிபாடு நன்று.

சனிபகவான் வக்ர கதியில்                                18-06-2023 முதல் 04-11-2023 வரை

சனி பகவான் வக்ர கதியில் சஞ்சரிப்பதால் உங்களுக்கு இருந்த நெருக்கடிகள் எல்லாம் சற்று குறைந்து ஏற்ற மிகுந்த பலன்களை பெறுவீர்கள். குரு பாக்கிய ஸ்தானமான 9-ல் வலுவாக சஞ்சரிப்பதால் பொருளாதார ரீதியாக மிகவும் அனுகூலமான பலன்கள் ஏற்பட்டு அனைத்து தேவைகளும் பூர்த்தியாகும். ஆரோக்கியம் சிறப்பாக இருந்து சுறுசுறுப்பாக செயல்படுவீர்கள். பிள்ளைகள் வழியில் மகிழ்ச்சி தரக்கூடிய இனிய நிகழ்வுகள் நடக்கும். ஒரு பெரிய மனிதரின் ஆதரவு கிடைப்பதால் உங்களுக்கு உள்ள சட்ட சிக்கல்கள் குறையும். தொழில், வியாபாரத்தில் சிறப்பான லாபங்கள் கிடைப்பது மட்டுமில்லாமல் தொழில் ரீதியாக நீங்கள் வாங்கிய கடன்களை பைசல் செய்ய முடியும். உத்தியோகத்தில் இருப்பவர்களுக்கு வேலையில் இருந்த பிரச்சினைகள் குறைந்து பணியில் சமூகமாக செயல்பட முடியும். விரும்பிய மாற்றங்களை பெற முடியும். துர்க்கை வழிபாடு மேற்கொள்வது, பாம்பு புற்றுக்கு பால் விடுவது நன்று.

சனிபகவான் அவிட்ட நட்சத்திரத்தில் 05-11-2023 முதல் 23-11-2023 வரை

சனி உங்கள் ராசிக்கு 7---ல் செவ்வாய் நட்சத்திரத்தில் சஞ்சரிப்பதால் ஒவ்வொரு செயலிலும் யோசித்து செயல்பட்டால் அடைய வேண்டிய இலக்கை அடையலாம். உடனிருப்பவர்களிடம் வீண் வாக்குவாதங்களை தவிர்ப்பதன் மூலம் தேவையற்ற பிரச்சினைகளை தவிர்க்கலாம். குரு பகவான் பாக்கிய ஸ்தானத்தில் சஞ்சரிப்பதால் பண பரிமாற்ற விஷயங்களில் அனுகூலமான பலன்களை பெறுவீர்கள். உங்கள் ராசிக்கு 2-ல் கேது, 8-ல் ராகு சஞ்சரிப்பதால் ஆரோக்கியத்தில் அக்கறை எடுத்துக் கொள்வது, உணவு விஷயத்தில் சற்று கட்டுப்பாடோடு இருப்பது நல்லது. நெருங்கிய உறவினர்களே உங்களின் மன அமைதியை குறைப்பார்கள். தொழில், வியாபாரத்தில் கூட்டாளிகளை அனுசரித்து செல்வது நல்லது. வேலைக்கு செல்பவர்கள் மற்றவர்கள் சொல்வதைக் கேட்காமல் உங்கள் பணியில் மட்டும் கவனத்தோடு இருந்தால் உயர்வான நிலையை எட்ட முடியும். பிரித்தியங்கரா தேவி வழிபாடு, உடல் ஊனமுற்றவர்களுக்கு உதவி செய்வது உத்தமம்.

சனிபகவான் சதயம் நட்சத்திரத்தில்               24-11-2023 முதல் 06-04-2024 வரை

சனி சதய நட்சத்திரத்தில் 7-ல் சஞ்சரிப்பதால் குடும்பத்தில் உள்ளவர்களை அனுசரித்து செல்வது நல்லது. தேவையற்ற கருத்து வேறுபாடுகளால் நெருங்கியவர்களிடம் ஒற்றுமை குறைவுகள் உண்டாகலாம். குரு பாக்கிய ஸ்தானத்தில் சஞ்சரிப்பதால் தனவரவுகள் சிறப்பாக இருந்து குடும்பத் தேவைகள் அனைத்தும் பூர்த்தியாகும். மங்களகரமான சுப காரியங்கள் கைகூடி மகிழ்ச்சி அளிக்கும். 2-ல் கேது, 8-ல் ராகு சஞ்சரிப்பதால் உடல் ஆரோக்கியத்தில் கவனம் செலுத்துவது, நேரத்திற்கு சாப்பிடுவது நல்லது. தொழில், வியாபாரத்தில் வேலையாட்களை அனுசரித்து சென்றால் அனுகூலங்களை அடைய முடியும். உத்தியோகத்தில் இருப்பவர்களுக்கு சிறப்பான வாய்ப்புகள் கிடைப்பது மட்டுமில்லாமல் அதிகாரிகள் ஆதரவு சிறப்பாக இருக்கும். சக ஊழியர்களிடம் வீண் வாக்குவாதங்களை தவிர்க்கவும். சனிக்கிழமை சனிக்கு எள் தீபம் ஏற்றுவது, அம்மன் வழிபாடு மேற்கொள்வது நன்மை தரும்.

சனிபகவான் பூரட்டாதி நட்சத்திரத்தில்         07-04-2024 முதல் 29-06-2024 வரை

சனி உங்கள் ராசிக்கு 7-ல் பூரட்டாதி நட்சத்திரத்தில் சஞ்சரிப்பதால் எதிலும் பொறுமையோடு இருப்பது நல்லது. 01-05-2023 முதல் குரு 10-ல் சஞ்சரிப்பதால் கொடுக்கல்- வாங்கல் ரீதியாக மிகவும் சிக்கனத்தோடு இருப்பது, ஆடம்பர செலவுகளை குறைத்துக் கொள்வது நல்லது. தொழில், வியாபாரத்தில் ஒவ்வொரு செயலிலும் கவனத்தோடு செயல்பட்டால் தான் எதையும் எதிர்கொள்ள முடியும். மற்றவர்களுக்கு வாக்குறுதி கொடுப்பது, முன்ஜாமின் கொடுப்பது போன்றவற்றை தவிர்க்கவும். உங்களின் தனித்திறமையால் போட்ட முதலீட்டை எடுத்து விடுவீர்கள். வேலைக்கு செல்பவர்களுக்கு கூடுதல் பணி சுமை காரணமாக உடல் அசதி இருந்தாலும் பொருளாதார அனுகூலங்கள் உண்டாகும். உங்கள் பணிகளில் மட்டும் கவனம் செலுத்துவது, உடன் பணிபுரிபவர்களை அனுசரித்து செல்வது நல்லது. துர்க்கை வழிபாடு, விநாயகர் வழிபாடு நன்மை தரும்.

சனிபகவான் வக்ர கதியில்                    30-06-2024 முதல் 15-11-2024 வரை

சனி வக்ர கதியில் சஞ்சரிப்பதால் உங்களின் பொருளாதார நிலை சாதகமாக இருந்து அனைத்து தேவைகளும் பூர்த்தியாகும். பிறருக்கு கொடுத்த வாக்குறுதிகளை காப்பாற்ற முடியும். உங்கள் ராசிக்கு 8-ல் ராகு, 10-ல் குரு சஞ்சரிப்பதால் எதிலும் சற்று சிக்கனத்தோடு இருப்பது, ஆடம்பர செலவுகளை குறைத்துக் கொள்வது நல்லது. தொழில், வியாபாரத்தில் இருந்த நெருக்கடிகள் சற்று குறைந்து நல்ல வாய்ப்புகள் கிடைக்கும். வேலைக்கு செல்பவர்களுக்கு அதிகாரிகள் ஒத்துழைப்பு சிறப்பாக இருப்பதால் கடந்த கால பிரச்சினைகள் குறைந்து மன நிம்மதி உண்டாகும். உங்கள் பணியில் மட்டும் கண்ணும் கருத்துமாக செயல்பட்டால் எதிர்பார்த்த உயர்வுகளை அடையும் வாய்ப்பு அமையும். கணவன்- மனைவி இடையே சற்று விட்டுக் கொடுத்து செல்வது நல்லது. உடல் ஆரோக்கியத்தில் கவனம் செலுத்துவதும், இரவு பயணங்களை தள்ளி வைப்பதும் உத்தமம். துர்க்கை வழிபாடு தட்சிணாமூர்த்தி வழிபாடு நன்மை தரும்.

சனிபகவான் சதயம் நட்சத்திரத்தில்               16-11-2024 முதல் 27-12-2024 வரை

சனி, ராகு நட்சத்திரத்தில் 7-ல் சஞ்சரிப்பதால் நீங்கள் சற்று பொறுமையோடு செயல்பட்டால் ஏற்றங்களை அடைய முடியும். 10-ல் சஞ்சரிக்கும் குரு வக்ர கதியில் சஞ்சரிப்பதால் பொருளாதார தேவைகள் எளிதில் பூர்த்தியாகும். ஆடம்பர செலவுகளை குறைத்துக் கொண்டால் அனுகூலங்களை அடைய முடியும். தொழில், வியாபாரத்தில் உழைப்பு அதிகமாக இருந்தாலும் அடைய வேண்டிய லாபத்தை அடைவீர்கள். வேலைக்கு செல்பவர்களுக்கு உங்கள் திறமைகளை வெளிக்காட்ட நல்ல சந்தர்ப்பங்கள் அமையும். அதிகாரியிடம் வீண் வாக்குவாதங்கள் செய்யாமல் இருப்பது நல்லது. ராகு 8-ல் இருப்பதால் உடல் ஆரோக்கியத்தில் கவனம் செலுத்துவது, மனைவி, பிள்ளைகளின் ஆரோக்கியத்திற்கும் முக்கியத்துவம் தருவது நல்லது. குடும்ப விஷயங்களை வெளிநபர்களிடம் பேசாமல் இருப்பது உத்தமம். உடல் ஊனமுற்றவர்களுக்கு உதவி செய்வது, சர்பேஸ்வரரை தரிசிப்பது அனுகூலங்களை ஏற்படுத்தும்.

சனிபகவான் பூரட்டாதி நட்சத்திரத்தில்         28-12-2024 முதல் 29-03-2025 வரை

சனி குரு நட்சத்திரத்தில் சஞ்சரிப்பதால் எந்தவித நெருக்கடியும் சமாளித்து ஏற்றங்களை பெறுவீர்கள். நெருங்கியவரிடம் கருத்து வேறுபாடு இருந்தாலும் உங்களின் தனித்திறமையால் எதையும் எதிர்கொள்வீர்கள். 2-ல் கேது, 8-ல் ராகு சஞ்சரிப்பதால் கணவன்- மனைவியிடையே விட்டுக் கொடுத்து செல்வது நல்லது. பண பரிமாற்ற விஷயங்களில் ஒரு சில ஆதாயங்கள் கிடைக்கும் என்றாலும் ஆடம்பர செலவுகளை குறைத்துக் கொள்வது உத்தமம். மிகவும் நெருங்கியவர்களால் மன அமைதி குறையும். தொழில், வியாபாரத்தில் மற்றவர்கள் உதவியை எதிர்பார்க்காமல் நீங்கள் சற்று முனைப்புடன் செயல்பட்டால் நல்ல லாபத்தை அடைய முடியும். சிறு சிறு சட்ட சிக்கல்கள் ஏற்படும் காலம் என்பதால் கவனத்தோடு இருப்பது நல்லது. வேலைக்கு செல்பவர்களுக்கு பணிச்சுமை அதிகரிப்பதால் உடல் அசதி உண்டாகும். பணி நிமித்தமாக அடிக்கடி வெளியூர் பயணங்கள் மேற்கொள்ள நேரிடும். துர்க்கை வழிபாடு, ஆஞ்சநேயர் வழிபாடு நன்மை தரும்.

அதிர்ஷ்டம் அளிப்பவை

எண் - 1,2,3,9                          நிறம் - வெள்ளை, சிவப்பு             கிழமை - ஞாயிறு, திங்கள்

கல் -  மாணிக்கம்                திசை - கிழக்கு                                தெய்வம் - சிவன்