Today rasi palan - 17.04.2026

 

Today rasi palan - 17.04.2026

இன்றைய ராசிப்பலன் -  17.04.2026

கணித்தவர்

ஜோதிட மாமணி,

முனைவர் முருகு பால முருகன்

Dip in astro, B.L, M.A.astro. PhD in Astrology.

No: 19/33 வடபழனி ஆண்டவர் கோயில் தெரு,

வடபழனி, சென்னை - 600 026 தமிழ்நாடு, இந்தியா.

cell: 0091  7200163001. 9383763001,

 

இன்றைய  பஞ்சாங்கம்

17-04-2026, சித்திரை 04, வெள்ளிக்கிழமை, அமாவாசை திதி மாலை 05.21 வரை பின்பு வளர்பிறை பிரதமை. ரேவதி நட்சத்திரம் பகல் 12.02 வரை பின்பு அஸ்வினி. சித்தயோகம் பகல் 12.02 வரை பின்பு அமிர்தயோகம். சர்வ அமாவாசை.

இராகு காலம் - பகல் 10.30-12.00, எம கண்டம்-  மதியம் 03.00-04.30, குளிகன் காலை 07.30 -09.00, சுப ஹோரைகள் - காலை 06.00-08.00, காலை10.00-10.30. மதியம் 01.00-03.00,  மாலை 05.00-06.00,  இரவு 08.00-10.00  

 

சனி செவ் புதன் சந்தி	சூரிய சுக்கி		குரு
ராகு	17.04.2026
			கேது

 

இன்றைய ராசிப்பலன் -  17.04.2026

மேஷம்

இன்று இல்லத்தில் மனமகிழ்ச்சி தரும் நிகழ்ச்சிகள் நடைபெறும். உத்தியோகஸ்தர்களுக்கு வெளியூர் மூலம் புதிய வாய்ப்புகள் கிடைக்கும். உடல் ஆரோக்கியம் சிறப்பாக இருக்கும். வியாபாரத்தில் வேலை ஆட்கள் பொறுப்புடன் செயல்படுவார்கள். பணவரவுகள் சிறப்பாக இருந்து தேவைகள் பூர்த்தியாகும்.

ரிஷபம்

இன்று பிள்ளைகளால் மன உளைச்சல் ஏற்படும். குடும்பத்தில் நிம்மதியற்ற சூழ்நிலை நிலவும். தொழிலில் பணியாட்களை அனுசரித்து சென்றால் வரவிருக்கும் பிரச்சினைகளை தவிர்க்கலாம். பெரிய மனிதர்களின் உதவியால் எடுக்கும் முயற்சிகளில் வெற்றி கிடைக்கும். குடும்பத்தினர் ஆதரவு கிட்டும்.

மிதுனம்

இன்று புதிய தொழில் தொடங்கும் முயற்சிகள் அனைத்தும் வெற்றியை தரும். வேலை விஷயமாக வெளியூர் பயணம் செல்ல நேரிடும். உறவினர்கள் வருகையால் குடும்பத்தில் சந்தோஷம் ஏற்படும். பெரிய மனிதர்களின் அன்பும் ஆதரவும் கிடைக்கும். இதுவரை வராத பழைய பாக்கிகள் வசூலாகும்.

கடகம்

இன்று எதிர்பாராத திடீர் பணவரவு உண்டாகும். வீட்டில் பெரியவர்களின் நன்மதிப்பை பெறுவீர்கள். உடல் ஆரோக்கியத்தில் நல்ல முன்னேற்றங்கள் ஏற்படும். தொழில் வியாபாரத்தில் புதிய கூட்டாளிகள் இணைவார்கள். உத்தியோகத்தில் இதுவரை எதிரிகளால் இருந்த தொல்லைகள் சற்று குறையும்.

சிம்மம்

இன்று நீங்கள் எதிர்பாராத வகையில் வீண் பிரச்சினைகள் தேடி வரும். உங்கள் ராசிக்கு பகல் 12.02 மணி வரை சந்திராஷ்டமம் இருப்பதால் எதிலும் உணர்ச்சிவசப் படாமல் பொறுமையை கடைப்பிடிப்பது நல்லது. வெளியூர் பயணங்களையும் புதிய முயற்சிகளையும் மதியத்திற்கு மேல் மேற்கொள்வது நல்லது.

கன்னி

இன்று உங்கள் ராசிக்கு பகல் 12.02 மணிக்கு மேல் சந்திராஷ்டமம் இருப்பதால் நீங்கள் சற்று மனகுழப்பத்துடன் காணப்படுவீர்கள். பிறரை நம்பி பெரிய தொகையை கடனாக கொடுப்பதை தவிர்ப்பது உத்தமம். மற்றவர் விஷயங்களில் தலையிடாமல் இருந்தால் பிரச்சினைகளை தவிர்க்கலாம்.

துலாம்

இன்று உங்களுக்கு மனமகிழ்ச்சி தரும் செய்திகள் வீடு வந்து சேரும். குடும்பத்தில் ஒற்றுமை அதிகரிக்கும். பெண்கள் வகையில் ஒருசில அனுகூலங்கள் ஏற்படும். தொழில் வளர்ச்சிக்காக எடுக்கும் முயற்சிகள் நற்பலன்களை தரும். சிலருக்கு பொன் பொருள் சேர்க்கை உண்டாகும்.

விருச்சிகம்

இன்று எந்த ஒரு காரியத்தையும் மனஉறுதியுடன் செயல்பட்டால் மட்டுமே வெற்றி அடைய முடியும். வேலையில்  உழைப்பிற்கேற்ற பலன் கிடைப்பதில் தாமதம் ஏற்படும். வியாபார ரீதியான கொடுக்கல் வாங்கலில் கவனம் தேவை. உற்றார் உறவினர்களை அனுசரித்து சென்றால் அனுகூலம் உண்டாகும்.

தனுசு

இன்று உங்களின் பொருளாதார நிலை சுமாராக இருக்கும். கணவன் மனைவியிடையே கருத்து வேறுபாடுகள் தோன்றும். விட்டு கொடுத்து செல்வதன் மூலம் பிரச்சினைகளை தவிர்க்கலாம். வேலையில் ஏற்படும் பணிச்சுமையை உடன்பணிபுரிபவர்கள் பகிர்ந்து கொள்வர். சுபகாரியம் கைகூடும்.

மகரம்

இன்று குடும்பத்தினரின் மாற்று கருத்துக்களால் மனநிம்மதி குறையும். உடல் ஆரோக்கியத்தில் கவனம் தேவை. தொழிலில் கூட்டாளிகளை அனுசரித்து செல்வதன் மூலம் அனுகூலம் உண்டாகும். பயணங்களில் வெளிநபர்களின் அறிமுகம் கிட்டும். வீண் செலவுகளை குறைப்பது நல்லது.

கும்பம்

இன்று உடல் ஆரோக்கியம் சிறப்பாக இருக்கும். சுபகாரிய முயற்சிகளில் இருந்த தடைகள் நீங்கும். நண்பர்களின் சந்திப்பு மனதிற்கு சந்தோஷத்தை தரும். புதிய பொருட்கள் வாங்குவதில் ஆர்வம் காட்டுவீர்கள். தொழில் சம்பந்தமான வெளிவட்டார தொடர்பு கிடைக்கும். சேமிப்பு உயரும்.

மீனம்

இன்று குடும்பத்தில் எதிர்பாராத செலவுகள் ஏற்படும். பிள்ளைகளின் படிப்பில் மந்த நிலை உண்டாகும். எதிர்பார்த்த உதவிகள் உரிய நேரத்தில் கிடைக்கும். பொருளாதார பிரச்சினைகள் சற்று குறையும். வியாபாரத்தில் கூட்டாளிகள் ஒற்றுமையாக செயல்பட்டு லாபம் அடைவதற்கான வாய்ப்பு உண்டாகும்.